Aja Kalah Karo Korona, Nggawe Warung Onlen, Yuh...

Jaman saiki, usaha kue kudu bisa ngintil kemajuan teknologi. Angger ora bisa ngimbangi, dewek bakalan ketinggalan adoh karo pesaing. Mulane, sing pada due usaha dagang, alon-alon ganti kemasan eben penampilane tambah apik.

Apa maning saiki, ana korona sing lagi nyerang nang dunya. Akibate gerak awak nggo ketemu langsung karo sing tuku dadi ora leluasa.

Mugane, yen sampeyan ora pengin ketinggalan karo saingan terusan ora pengin kalah karo korona, gagiyan nggawe website warung onlen.

Apa Kue Website Warung Online?

Warung onlen kue semacam etalase sing dinggo majang dagangan eben bisa nggo promosi dodolan lewat internet. Jaman saiki kan kabeh uwong wis pada nyekel hape canggih, dadi eben bisa belanja nang sampeyan, perlu gawe website warung utawa toko onlen.

Fungsine Warung Onlen Kue Nggo Apa?

Intine, warung onlen kue nggo nggampangna dodolane sampeyan eben luwih laris. Dong dijlentrekna maning, website warung onlen kue fungsine akeh, antarane:

1. Nggo ningkatna pamor utawa branding warunge sampeyan ben katon luwih keren;
2. Dinggo majang karo mromosikna barang dagangane sampeyan ben gampang dideleng uwong kapan bae lan ska ngendi bae;
3. Denggo nggampangna langganane sampeyan angger pan tuku barang maning;
4. Bisa juga nggo tambahan olih duit angger dipasangi iklan.

Sing jelas, sampeyan bakal ngerasakna manfaate angger wis due warung onlen, yah...?

Nggo Gawe Warung Onlen Perlu Modal Gede Apa Ora?

Pikirane nyong, mbiyen gawe warung onlen kue larang. Jebule, dong wis ngerti cara nggawe karo pinter manfaatna kesempatan (dalam kesimpitan), ya murah (nemen).

Bahkan luwih murah skang kebutuhan pulsa karo kuota internete sampeyan tiap wulane.

Kue resmi temenan, loh... Sung, yakin...! Aku ora goroh...

Carane Nggawe Warung Onlen Pimen?

Ora mung murah, nggawe warung onlen juga gampang. Dong sampeyan pengin gawe warung onlen, kyeh tak warahi cara nggawene nganggo modal dengkul...

Sampeyan due email karo hape, kan...? Nah, kue modal sing utama. Sampeyan ndaftar bae lewat situs ndakenen Mbah Google kaya Blogger karo Google Sites.

Dong sampeyan seneng tantangan, ya mending gawe warung onlene lewat Blogger. Tapi dong sampeyan pengin luwih praktis, sampeyan milih bae Google sites. Kue kabeh gratis tis... Alias ora mbayar.

Saliyane Google, sampeyan juga bisa nggawe warung onlen nganggo wordpress. Pada bae, kue juga bisa nganggo sing gratisan. Nggawe warung onlen gratis nang Blogger karo Wordpress kue paling terkenal gampang.

Cara Ambyar Gawe Warung Onlen

Yen sampeyan minat gawe warung onlen tapi ora due waktu, ya mending diwenehna nang kancane sing bisa nggawekna. Jakwire sampeyan ndean ana sing bisa nulungi gawe warung onlen ben hasile luwih apik.

Cara Paling Praktis (Nemen) Gawe Warung Onlen

Dong sampeyan pengin gawe warung onlen, tapi jakwire laka sing bisa nulungi, coba bae ngubungi enyong. Bisa lewat chattingan utawa ketemu langsung, ya monggho.

Mbokan sempet, Mengko tak gawekna sekalian ngerewangi ben warung onlene sampeyan bisa cepet dikenal Mbah Google.

Misale ora ngerti cara ngopenine, ya mengko tak warahi. Pol-polane, angger sampeyan ora sempet ngopeni, mengko tak rewangi ngurus warung onlene.

Sukses Nggo Usahane Sampeyan Lan Tambah Laris Dagangane

Angger wis dikenal Mbah Google, sue-sue warunge sampeyan dadi gampang digoleti nang internet. Kabeh kue tujuane ya nggo majukna usahane sampeyan sekaliyan penglaris dagangan.

Dadine, ana Korona, usaha dagangane sampeyan tetep jalan. Corona Lunga, usaha dagangane sampeyan tambah lancar. Amien...66X.

Wis... Semene ndisit, lur... Muga muga bisa nggo dadi inspirasi karo motivasine sedulur kabeh eben usahane luwih maju lan dagangane tampah laris. Semangat, Bos...!!!