Aja Kalah Karo Korona, Nggawe Warung Onlen, Yuh...
Jaman saiki, usaha kue kudu bisa ngintil kemajuan teknologi. Angger ora bisa ngimbangi, dewek bakalan ketinggalan adoh karo pesaing. Mulane, sing pad…
Eling, lur... Ora kabeh kudu dimek. Keseringen dimek malah bonto.
Pede bae raine ngganteng utawa ayu dadine ora usah diamplas terus.
Aja kalah karo slogan sing biasa ditempel nang mburine bak trek, "Jaga Jarak".
Sering ngumbahi tangan sekaligus pakaian ben ora kelingan mantan.
Aja salah, banyu setetes be bisa dadi, apa maning segalon. Mula, nginunge sing akeh.
Nutupi rai nganggo masker kue ora masalah. Sing penting aja nutup ati.
Jaman saiki, usaha kue kudu bisa ngintil kemajuan teknologi. Angger ora bisa ngimbangi, dewek bakalan ketinggalan adoh karo pesaing. Mulane, sing pad…
Mbokan nang kene wis ana jawabane ya, sukur...
Korona kue keluarga besar virus sing bisa njangkit lan nular nang kewan utawa menungsa. Biasane nggawe infeksi sing akhire ngganggu ambekan. Jenise mulai skang pileg ringan utawa biasa, sedengan kaya MERS, nganti paling parah kaya SARS. Sing paling anyar, ya penyakit korona utawa Covid 19.
Covid 19 kue penyakit sing bisa nular abibat virus Korona. Virus karo penyakit Korona nembe mulai pada ngerti sauwise ana kedadian nang Wuhan, China, pas wulan Desember 2019.
Karantina kue kegiatan njaga gerakane uwong sing terpapar penyakit menular. Tujuane nggo ndeleng uwong kue pernah penyakiten apa ora. Soale penyakit korona kadang ora ana gejalane.
Isolasi kue misahna uwong utawa gerombolan uwong sing dianggap ketularan terus bisa nulari penyakit. Tujuane nggo nyegah eben penyakite ora nular nang uwong liya. Isolasi ana sing dikarepi awake dewek, ana juga sing dipaksa daning pemerintah daerahe.
Sing paling umum, gejala penyakit Korona kue demam, kesel, watuk garing tapi ngukluk. Ana juga pasien sing krasa senat-senit, cungure mampet, pileg, lara tenggorokan. Gejala awal biasane ringan tapi nggo uwong sing due penyakit gawanan (kaya jantung, darah tinggi, diabetes) bisa ndadekna tambah serius. Siji diantara enem uwong sing kenang penyakit Korona cenderung tambah parah. Angger meriyang, watuk, karo ambekan susah kudu nggolet bantuan medis.
Durung ana obat khusus nggo mencegah utawa ngobati Korona. Uwong sing kena penyakit Korona butuh dukungan perawatan nggo mbantu ambekan.
Kaya sing wis dibahas nang ndhuwur, tetep aman nang umah. Angger kepaksan metu sing umah: aja salaman langsung, aja ngemek rai, jaga jarak, sering ngumbahi tangan, akeh ngombe banyu putih, angger nganggo masker. Terus angger awak kerasa ora kepenak, meriyang, nggreges, watuk, angel ambekan gagiyan periksa. Nggo ngurangi resiko mbrabahe virus, ceritakna riwayat dolane sampeyan.
Nganti seprene durung bisa dipastikna sumber SARS-CoV-2, virus Corona (CoV) sing nyebabna Covid-19. Tapi bukti-bukti ilmiah bisa disimpulna asale sing kewan (ndean tah lawa), dudu gawean.
Virus Covid-19 nular lewat tetes banyu watuk utawa wahine uwong sing kenang penyakit. Rika bisa ketularan angger jarake 1 meter karo wong sing penyakiten terus nyedot viruse. Mulane aja gampang ngemek mripat, cungur, utawa cangkem sadurunge ngumbahi tangan.
